Dahil sa patuloy napag-lala ng nakukuhang grado ng mga mag-aaral na Pilipino sa PISA o Programme for International Ststudent Assessment sa Pilipinas, napag-usapan ng Department of Education (DepEd) ang mga posibleng naging rason nito. Isa sa mga umaapaw na sanhi ay ang talamak na bulliying sa Pilipinas at sa usapin ng nutrisyon. Nais din ng DepEd na paunlarin ang kalidad ng pagtuturo ng mga guro upang mapataas ang iskor ng Pilipinas sa mga susunod na PISA.
Nakakahiya at nakakatawa ang mga pangyayari sa sector ng ating edukasyon sa mga nakalipas na taon dahil sa pabago-bago nito mga patakaran na kalaunan ay pagsisisihan lamang. Nabanggit ni DepEd Ussec. Michael Poa ang matinding epekto ng bullying sap ag-aaral ng mga batang Pilpino at sa academic performance ng mga ito. Hindi raw masyadong na intindi ang pagresponda sa mga reklamo ng mga batang biktima nito. Nais nilang palakasin ang pagsabi ng mga bata kung inaabuso na sila ng kanilang mga kaklase. Pagdating naman sa pagpapalakas ng Sistema ng pag-aaral, ang MATATAG Curriculum parin ang kanilang sagot. Ngunit napagtanto nila na dapat noon palamang ay naipatupad na ito. Ito ay sa kadahilanang matatagalan pa ang kinakailangan datos upang masabi kung epektibo ba ito. Kung mayroong mamaliin sa mababang grado ng pag-aaral sa Pilipinas ay hindi dapat nasa lista ang ating mga guro. Naisin man ay hindi na nila ito kayang baguhin pa. Ito ay nasa sistema na ng ating edukasyon at palagi na itong nakabaon saatin.
Makikitang hindi sigurado ang ating kagawaran sa edukasyon kung ano ba talaga ang kanilang dapat tuonan ng pansin. Kung ano ba dapat unahing resulbahan bago paman ito lumala. Sa usapin pa lamang kung ano ang mas makakatulong sa pag-unlad ng ating pag-aaral, ay hindi nalilito na sila.
Umaasa nalang tayo na matuwid nila ang kanilang mga pamamaraan. Sana ang mga proseso nila ay malinaw at may patutunguhan. Mas maiging mag-pokus muna sila sa isang problema bago ang mga hindi naman importante sa ngayong panahon. Simulan na nila ang pagbabago sa pinakataas, kaysa paunti-unti itong aayusin sa baba. Hanapin muna ang sakuna kaysa hilumin ang napinsalqa na ng nakalilitong pamumuno.
